Mula Bukane Diarani Desa Kaliboto

                     

MULA BUKANE DESA KALIBOTO

                             

                   

Disusun Oleh :
Wahib Adiyatma (31)
X MIPA 4
SMA N 1 PURWOREJO
2015/2016

Mula Bukane diarani Desa Kaliboto 

          Rikala jaman semana ana sawijining kraton kang aran Mataram Kuna. Ing salah sawijing wewengkon ing kana ana desa kang aran desa Setinggil ( Siti inggil ) jeneng desa setinggil iku mula bukane diarani desa kang duweni lemah utawa Siti kang luwih dhuwur utawa inggil tinimbang desa liyane, desa Setinggil iku desa kang makmur, jaya, santosa, amarga rakyate sing padha jujur lan nduweni bebuden kang apik anggone bebrayan.

          Ing sawijining dina ana kraton liya kang nyerang kraton Mataram Kuna kang ndadekake bumi Mataram pecah belah dadi pirang-pirang wilayah, nanging desa Setinggil nduwe karep amrih urip jaya santosa maneh desa Setinggil ngedekake Kraton dewe kang aran kraton Setinggil.

          Jaman biyen sing jenenge bangunan iku ora liya akeh sing digawe saka bata. Kraton Setinggil uga mangkono kraton iki  digawe saka bata ing kabeh sudhut ruangane.

Suwe anggone kraton Setinggil urip mulya lan ing sawijining dina uga ana maneh kraton liya kang gawe rusuh marang kraton Setinggil kang nyebabake kraton Setinggil perang lawan kraton kang ngrusuhi mau. Kraton Setinggil kalah anggone perang lan negara Setinggil diobrak-abrik dening kraton rerusuh mau.

Banjur ing sawijining dina ana udan angin gedhe banget kang nyebabake banjir ing wewengkon kono mau. Rerusakan, reruntuhan bangunan kraton Setinggil padha keli ana ing kali sacedhake kono ora liya deretan kali Kodel, kali Bengkal .

Sasuwene nang kono mau ora ana kauripan lan ana salah sawijining warga desa kang lagi dolan lan nemokake akeh banget reruntuhan bangunan kraton Setinggil mau awujud Bata kang nutupi aliran Kali. Banjur saka kadadean kuwi akeh warga desa padha penasaran pengin nonton kaya apa wujude kali saiki lan saka kadadean kang ditemokake salah sawijining warga kuwi mau mula warga kono gawe jeneng wewengkon desa KALIBOTO yaiku kali kang katutupan dening bata.