PENGETAN DINTEN KAMARDIKAN
Assalamu’alaikum w. w.
Kepala
Sekolah ingkang kinurmatan. Para Bapak saha Ibu Dwija ingkang kula kurmati lan
sedaya kanca ingkang kula tresnani.
Sumangga
kita sesarengan ngaturaken puji syukur wonten ngarsanipun Gusti Allah Ingkang
Maha Kuwaos jalaran awit saking rahmat saha karunianipun, kita sedaya taksih
saged kepanggih lan kempal wonten ing aula ngriki kanthi kawontenan sehat
walafiat boten kirang satunggal menapa.
Kajawi
saking menika, kapareng matur, kula minangka sesulihipun kanca-kanca panitia
Pengetan Dinten Kamardikan Negari Republik Indonesia ingkang kaping 71 ing
sekolah ngriki, ngaturaken sugeng rawuh lan matur nuwun sanget awit panjenengan
sedaya sampun kersa ngrawuhi pengetan menika.
Bapak
saha Ibu Dwija, para tamu undhangan dalah sedaya kanca ingkang kula kurmati.
Ing dinten menika kita sedaya mengeti dinten kamardikan Indonesia ingkang
kaping 71. Dados sampun samesthinipun kita kedah ngaturaken puji syukur dhumateng
Gusti Allah lan atur panuwun dhumateng para pahlawan ingkang sampun ngurbanaken
jiwa raganipun kangge mijuangaken kamardikan negari kita. Tanpa perjuanganipun
para pahlawan, mbok menawi ngantos dinten menika kita taksih dados bangsa
ingkang dipunjajah dening bangsa sanes. Mila awit saking menika, kula ngajak
para kanca, mangga sareng-sareng kita ngurmati jasa para pahlawan. Ngurmati
jasa para pahlawan boten kedah upacara kanthi mewah, nanging cekap sedherhana
kemawon. Ingkang wigati kita kedah saged niru sikepipun para pahlawan
anggenipun mijuang tanpa pamrih kajawi tumuju dhateng kamardikaning bangsa lan
negari. Raos ikhlas mijuang menika sikep ingkang patut dipuntiru. Mangga, kula
ngajak para kanca ikhlas mijuang nindakaken tugas lan kuwajibanipun lare sekolah.
Kanthi mekaten perjuanganipun para pahlawan boten muspra.
Para tamu undhangan
ingkang kula kurmati, saha para kanca ingkang kula tresnani. Kula sakanca
panitia nyuwun pangapunten menawi acara-acara ing pengetan menika kirang sae
lan mbok menawi kathah kekiranganipun. Ingkang kula suwun mugi-mugi lomba
kangge ngisi pengetan dinten karmadikan menika saged kaleksanan kanthi lancar
saha sportif.
Mekaten atur kula, nuwun.
Wassalamu’alaikum w. w.
|
Nama : Wahib
Adiyatma
Kelas : XI MIPA
4
No : 31
|
EmoticonEmoticon